500 g þorskhnakkar
80 g smjör, skorið í teninga
500 ml rjómi
200 ml hvítvín
50 g kjúklingkraftur
1 stk parmesanostur
200 g rjómaostur
2 hvítlauksgeirar
Steinselja
Salt og pipar eftir smekk
50 g hveiti
50 g olía
200 g rifinn ostur

‍

Veltið fiskinum upp úr hveiti og steikið hann síðan upp úr olíu á pönnu. Bætið nokkrum teningum af smjöri á pönnuna áður en fiskinum er snúið við. Kryddið með salti og pipar eftir smekk. Raðið fiskinum í eldfast mót og hitið ofninn í 180°C.

Næsta skref er að búa til sósuna.
Setjið rjómann, hvítvínið, kjúklingakraftinn og rjómaostinn í pott og hitið að suðu.
Rífið niður parmesanostinn og setjið út í sósuna.
Saxið hvítlauk smátt og bætið honum út í.
Blandið saman hveiti og olíu og hrærið saman við sósuna til að þykkja hana.
Smakkið til með salti og pipar.
Saxið steinselju smátt og bætið henni út í sósuna þegar hún er tilbúin.
Hellið sósunni yfir þorskinn í eldfasta mótinu og dreifið 200 g af rifna ostinum yfir efst.
Setjið eldfasta mótið inn í ofn og bakið fiskinn á 180°C í 30 mín. eða þangað til osturinn efst hefur fengið fallegan brúnan lit.